Birləşmiş Millətlər Təşkilatı (BMT) İsrailin 2023-cü ilin əvvəlindən bəri işğal altındakı Şərqi Qüds və İordan çayının qərb sahilində 112 fələstinlini öldürdüyünü açıqlayıb.
Elchi.az xəbər verir ki, BMT-nin Humanitar Məsələlər üzrə Koordinasiya Ofisi (OCHA) tərəfindən hazırlanan hesabatda 2023-cü ilin əvvəlindən İsrail qüvvələri tərəfindən öldürülən və yaralanan fələstinlilərin sayı barədə məlumat verilib.
Hesabatda İsrail qüvvələrinin ilin əvvəlindən mayın 29-na qədər Şərqi Qüds və İordan çayının qərb sahilində 107 fələstinlini öldürdüyü, 4229 fələstinlinin isə yaralandığı bildirilib.
İlin əvvəlindən bəri fanatik yəhudi məskunlaşmaçıların fələstinlilərə qarşı 409 hücum təşkil etdiyi bildirilən hesabatda bu hücumlarda 5 fələstinlinin şəhid olduğu, 105 nəfərin yaralandığı bildirilib.
Şərqi Qüds və İordan çayının qərb sahilində 575 fələstinlinin evinin İsrail qüvvələri tərəfindən dağıdıldığı qeyd edilib.
Hesabatda ilin əvvəlindən bu yana Fələstinin İsrail və Fələstin ərazilərindəki hərəkətləri zamanı 18 israillinin öldüyü, 111 israillinin yaralandığı barədə məlumatlar da paylaşılıb.
Nuranə Məmmədova
Son şərhlər