Nasist Almaniyasının 1941-1945-ci illər arasında törətdiyi Holokostun anım günündə ABŞ prezidenti Co Bayden soyqırımı “tarixin ən qaranlıq dövrü” kimi qiymətləndirərək, “Bir daha heç vaxt” mesajını paylaşıb.
Elchi.az xəbər verir ki, ABŞ prezidenti Co Bayden Holokostu Anma Günü ilə bağlı mesaj dərc edib.
Bayden sosial mediadakı paylaşımında “Bu Holokostu Anma Günündə bəşər tarixinin ən qaranlıq dövrlərindən birində nasistlər tərəfindən öldürülən altı milyon yəhudinin ölümünə yas tuturuq. “Biz Şoanın (Holokost üçün ibrani termini) dərslərinə qulaq asmağı və “Bir daha heç vaxt” məsuliyyətini dərk etməyi öhdəmizə götürürük” deyib.
HOLOKOST VƏ İKİNCİ DÜNYA MÜHARİBƏSİ
Adolf Hitler Almaniyada hakimiyyətə gəldikdən sonra nasist Almaniyası və onun 1941-1945-ci illər arasında işğal etdiyi ərazilərdə sistematik olaraq 6 milyon yəhudi öldürüldü. Bu soyqırım Holokost adlanırdı.
İkinci Dünya Müharibəsi tarixin ən qanlı müharibəsi kimi tanınır. Müharibədə 70-85 milyon insanın həyatını itirdiyi təxmin edilir. Müharibə ilə bağlı ölümlərin 50-56 milyon, müharibə ilə bağlı xəstəlik və aclıq səbəbiylə ölənlərin isə 19-28 milyon arasında olduğu güman edilir.
Şayəstə Hüseynova