Nazirlik bildirib ki, Dəkkinin belə bir addımı ölkələr arasında münasibətlərin dostluq xarakteri ilə uyğun gəlmir.
Elchi.az xəbər verir ki, Banqladeşin səfiri Kamrul Ahsan çərşənbə axşamı, fevralın 21-də Rusiya gəmilərinin respublika limanlarına girişinə qadağa qoyulması ilə əlaqədar Rusiya Xarici İşlər Nazirliyinə çağırılıb.
“Söhbət zamanı Rusiya-Banqladeş əməkdaşlığının hazırkı vəziyyətini müzakirə etdik. Xüsusilə, diplomatik nümayəndəlik rəhbərinin diqqətini ölkəsinin hakimiyyət orqanlarının Banqladeşə yük daşıyan Rusiya gəmilərinin limanlarına girişini qadağan etmək qərarına dair məlumatlara yönəldiblər”, – Rusiya XİN-in saytında deyilir.
Rusiya Xarici İşlər Nazirliyində qeyd edildiyi kimi, Dəkkinin belə bir addımı Rusiya və Banqladeş arasında ikitərəfli münasibətlərin ənənəvi dostluq xarakteri ilə uyğun gəlmir. Nazirlik əlavə edib ki, gələcəkdə bu, iki ölkə arasında müxtəlif sahələrdə əməkdaşlıq perspektivlərinə mənfi təsir göstərə bilər.
Xatırladaq ki, bu ilin yanvarında Banqladeş Xarici İşlər Nazirliyi ABŞ-ın birtərəfli sanksiyalarına uyğun olaraq milli dəniz limanlarına girişi qadağan edilən 69 Rusiya gəmisinin siyahısını ölkənin səlahiyyətli idarələrinə təhvil verib. Rusiyanın Dəkkədəki səfirliyi qeyd edib ki, Rusiya gəmilərinin Banqladeş limanlarına girişinə qadağa qoyulması ticarət əlaqələrinin dayandırılması demək deyil, çünki sanksiyalara yalnız konkret gəmilər düşüb.
Şayəstə
Son şərhlər