FIFA Türkiyənin “Fənərbağça” klubuna 3 transfer dövrü müddətinə transfer qadağası qoyub.
Elchi.az xəbər verir ki, qadağanın 25 sentyabr 2026-cı ildən qüvvəyə mindiyi bildirilir.
Məlumata görə, qərar ödənilməyən borcla bağlıdır. Klubun qərardan sonra ödənişi həyata keçirməsi üçün 45 günlük müddəti olub, lakin bu müddətdə borc ödənilmədiyi üçün sanksiya tətbiq edilib.
Qeyd olunur ki, “3 transfer dövrü” FIFA prosedurunda nəzərdə tutulan maksimal müddətdir. Borcun ödənildiyi və bank ödənişinin təsdiqini göstərən sənədlər təqdim edildiyi halda qadağa aradan qaldırıla bilər.
“Fənərbağça”nın qısa müddətdə ödənişi həyata keçirərək müvafiq sənədləri FIFA-ya təqdim etməsi gözlənilir. Borcun hansı məbləğdə olduğu və konkret hansı iş üzrə yarandığı isə açıqlanmayıb.
