“Düşünürəm ki, Naxçıvanda tramvay xəttini layihələndirib inşa işlərinə başladıldıqdan sonra Bakıda da tətbiqinə başlanılacaq”.
Bu fikirləri Elchi.az-a açıqlamasında nəqliyyat sahəsi üzrə ekspert Aslan Əsədov bildirib. Onun sözlərinə görə bu, həm də tıxacların azalmasına əhəmiyyətli dərəcədə təsir edə bilər:
“Bu, çox yerində verilən qərardır. Düşünürəm ki, Naxçıvanda layihələndirib inşa işlərinə başladıldıqdan sonra Bakıda da tətbiqinə başlanılacaq. Bu da tıxacların azalmasına əhəmiyyətli dərəcədə təsir edəcək. Gələcəkdə isə respublikanın böyük şəhərlərində belə xətlərin çəkilməsi məqsədəuyğun olar. Xüsusilə ekoloji cəhətdən daha yaxşı olardı. Sumqayıt, Gəncə, Mingəçevir, Şirvan, hətta Şuşa şəhərində və işğaldan azad edilən digər şəhərlərimizdə də tramvay xətlərinin inşa edilməsi daha məqsədə uyğun olar”.
Havar Şəfiyeva
Son şərhlər