“Bakı-Şərab 2” müştərilərinə soyunmağı təklif edir…
Ölkəinin araq bazarında xüsusi çəkiyə və rola malik olan “Bakı Şərab 2″ ASC haqda ölkə mətbuatında çoxsaylı tənqidi məqamlar dərc edilib.
Biz isə bu dəfə heç də onları təkrarlamaq niyyətində deyilik. Bu dəfə söhbət adıçəkilən müəssisənin istehsal etdiyi məhsulların üzərində əxlaqdan kənar ifadələr yazılmış bildirişlərdən gedir.
Savash.org-a göndərilən həmin fotodan da göründüyü kimi əvvəlcə təqdim edilən arağın hazırlanma resepturası verilir, burası ilə işimiz yoxdur. Əsl həngamə yarlığın üzərində daha iri hərflərlə yazılmış “İçməzdən əvvəl soyunun” sözləridir.
Təbii ki, indi qarşı tərəf bunun sırf texniki yanlışlıq olduğunu, cümlənin əslində “İçməzdən əvvəl soyudun” kimi nəzərdə tutulduğunu iddia edə bilər. Amma bu heç nəyi dəyişmir. Ölkənin əsas araq istehsalçılarından biri sayılan “Bakı Şərab 2″ ASC əgər yarlığın üzərinə yazılanlara belə nəzarət edə bilmirsə, həmin müəssisənin məhsullarının keyfiyyəti haqda hansı təminatı verə bilər?
Xatırladaq ki, «Bakı Şərab-2» ASC «Bakı Şərab-1» ASC-nin nəzdində fəaliyyət göstərir və şərab bazarında inhisara sahib olan bu iki nəhəngin sabiq kənd təsərrüfatı naziri, hazırda Baş nazirin müavini olan İsmət Abbasovun kurasiyasında olduğu bildirilir.
Qeyd edək ki, Bakı Şərab-2» ASC-nin sədri Rabil Hüseynovla bağlı mətbuatda dəfələrlə məlumatlar dərc olunub. Rabil Hüseynov İsmət Abbasovla kirvə olmaqla yanaşı həmçinin ölkəninin siyasi həyatında pərdə arxasında olsa da, ciddi rol alan keçmiş Baş prokuror hazırda səfir olaraq çalıan Eldar Həsənovla da qohumdur.
Məsələ ilə bağlı qarşı tərəfin də mövqeyini dərc etməyə hazırıq.
Elchi.az
Son şərhlər