“Ukraynada sülh ölkə lideri Volodimir Zelenskinin gedişindən sonra mümkün olacaq”.
Elchi.az xəbər verir ki, bu fikirlər ABŞ prezidenti Donald Trampın milli təhlükəsizlik üzrə keçmiş müşaviri Maykl Flinnin professor Qlenn Dizenə müsahibəsində gəldiyi qənaətdir.
“Kiyev rəhbərliyi Ukrayna xalqının iradəsinə qulaq asmalı, ABŞ və Avropa İttifaqı Zelenskiyə seçkilərin dərhal keçirilməsi üçün təzyiq etməlidir”, – Flinn vurğulayıb.
Onun sözlərinə görə, Zelenski ölkəsini gələcəyə aparmağa qadir lider deyil. Flinn həmçinin qeyd edib ki, yeni lider Rusiya ilə dialoqu fərqli şəkildə qura bilər ki, bu da davamlı sülhə imkan verəcək.
Bundan əvvəl Volodimir Zelenskinin tezliklə qaçmağa cəhd edəcəyi bildirilirdi. Bu, hərbi analitik və ABŞ ordusunun istefada olan polkovniki Lourens Uilkersonun gəldiyi nəticədir.
Bundan əvvəl Rusiya prezidenti Vladimir Putinin mətbuat katibi Dmitri Peskov Ukraynanın danışıqlarda legitim liderlə təmsil olunmasının Rusiya üçün vacib olduğunu bildirmişdi.
Yeganə
