“İsrail müdafiə naziri özü daxil 4 ordu generalı ilə birlikdə Bakıya səfər edir. Beni Qants özü ilə hərbi hava qüvvələri, hərbi kəşfiyyat və hərbi desant qüvvələrini təmsil edən, İranın dəstəklədiyi silahlı qruplaşmalara qarşı açıq döyüş təcrübəsi olan generalları da gətirib.
Eyni vaxtda Trump dövründə xüsusilə güclənən “İbrahim akkordları” prosesi ilə İsrail ilə münasibətləri yaxınlaşdıran Səudiyyə Ərəbistanı yüksək rütbəli hərbi nümayəndəsi Bakıda səfərdə olur”.
Elchi.az xəbər verir ki, bu barədə politoloq Turab Rzayev FB hesabında bildirib:
“Eyni vaxtda gözlənilmədən Türkiyə Millisi Müdafiə Naziri Hulusi Akar bir neçə ordu generalı ilə birlikdə qəfil Bakıda peyda olur, görüşlər keçirir, təlimlərdə iştirak edir. Türkiyə ordusunun Azərbaycana təhkim olunmuş Paşası düz Zakir Həsənovun solunda, Qərargah rəisinin isə sağında, səhra formasında boy göstərməsi kifayət qədər açıq mesajdır.
İran Müdafiə Naziri Bağırı Bakıya, həmkarı Zakir Həsənova zəng edir, hal-əhval tutur. Hal-əhvalda nələrdən xəbər tutursa, təcili ortaq hərbi təlimlər keçirmək təklif edir. 2 gün əvvəl Azərbaycanı hədələyən, Zəngəzura qırmızı xətt deyən, Qafanda konsulluq açan, sərhədlərimizində hər hansı bir dəyişikliyə hərbi qarşılıq verəcəyik deyən, Azərbaycan sərhədində “terrorçu” yaxalayan İran Azərbaycan Ordusu ilə hərbi təlim keçirmək istəyir.
Hər şey çox yaxşı olacaq!”.
Şayəstə
Son şərhlər