“Fransanın “Qarabağ ərazisinin heç kim tərəfindən tanınmamış boş ərazi olması” bəyanatının kökündə çox ikiüzlü və əlacsızlıqdan doğan fikir yatır. Yazmışdım ki, Rusiyanın Ukraynanın son dörd vilayətini guya müstəqillik elan edəndən sonra Rusiyaya birləşməsindən sonra heç bir dövlət Qarabağdakı qondarma qurumun “müstəqillitini” tanımayacaq, çünki onda həmin dövlət işğalçı və dünya birliyi tərəfindən təklənmiş, hətta terrorçu elan edilən Rusiya ilə bir cərgədə hesab ediləcək, yeni president yaradacaq”.
Elchi.az-ın məlumatına görə, bu barədə BAXCP sədrinin müşaviri, politoloq Azər Qasımov FB hesabında qeyd edib:
“Fransa bunları başa düşdüyü üçün bu günə kimi “Azərbaycan ərazisi hesab etdiyi, amma xalqların da öz müqəddəratını təyin etmə hüququ olduğunu” bəyan etdiyi fikrini “heç kim tərəfindən tanınmayan boş ərazi” fikri ilə əvəz etdi. Bu halda onların məntiqi ilə ərazi boş olduğu üçün oranın müstəqilliyini tanımaq işğal və ya digər dövlətin suverenliyini pozmamaq anlamına gəlir, yəni Rusiya ilə bir cərgədə durmaq hesab edilmir.
Azərbaycan ilk növbədə Fransanın bu məntiqini dünya ictimaiyyətinin diqqətinə çatdırıb, Fransanı Rusiyanın hərəkəti ilə əlaqələndirib, onları dünya ictimaiyyətinin nəzərində eyni tərəziyə qoymalı, Fransanı da işğala və separatizmə dəstək verən ölkə adlandırmalıdır. Dünya birliyinin Fransanın bu fikrinə ciddi reaksiya göstərməsini, dünya birliyinin bu kimi addımlara qarşı mübarizə apardığı bir vaxtda Makronun bu bəyanatını aparılan mübarizəyə qarşı təxribat olduğunu bildirməlidir.
Fransa prezidenti Makronun və digər rəsmilərin sonrakı bəyanatları əsas verir ki, Fransa çox ciddi hansısa siyasi addıma hazırlaşır, demək olar ki, Fransa artıq açıq oynayır və tərəfini qəti şəkildə bildirdi. “Boş ərazi” termininin işlədilməsi yeni situasyadır və Qarabağın tanınmasına hesablanmış ola bilər.
Belə bir halda Azərbaycan kimsəyə baxmadan Laçın yolunu bağlamalı, həmin əraziləri öz idarəçiliyinə aldığını bəyan etməli, ordu yeritməlidir ki, ərazi boş hesab edilə bilməsin”.
Yeganə
Son şərhlər