Milli Məclisin növbəti plenar iclasını açıq elan edən spiker Oqtay Əsədov deputatları və bütün Azərbaycan xalqını qarşıdan gələn Novruz bayramı münasibətilə təbrik edib. Sonra gündəlik təsdiq olunub. Bir daha xatırladaq ki, iclasın gündəliyindəki əsas məsələ Azərbaycan Nazirlər Kabinetinin 2014-cü ildə fəaliyyəti haqqında hesabatıdır.
APA-nın xəbərinə görə, O. Əsədov hesabat barədə ümumi məlumat verərək bildirib ki, ötən il ölkə inkişafı yüksək templə davam edib, makro və mikro iqtisadi sabitlik qorunub saxlanıb, 2,8 faiz ümumi iqtisadi artım qeydə alınıb. Daha sonra baş nazir Artur Rasızadə hökumətin hesabatını təqdim etməyə başlayıb.
* * * 12:08
Milli Məclisin növbəti plenar iclası öz işinə başlayıb.
Virtualaz.org-un əvvəlcədən xəbər verdiyi kimi, iclasın gündəliyinə Azərbaycan Respublikası Nazirlər Kabinetinin 2014-cü ildə fəaliyyəti haqqında hesabatı daxildir.
