Norveç şahzadəsi Astrid Mod İngeborq 94 yaşında, qardaşı Kral V Haraldın ölümündən dəqiq iki həftə sonra dünyasını dəyişib.
Elchi.az xəbər verir ki, bu barədə kral evinin mətbuat xidməti məlumat yayıb.
“Şahzadə Astrid bu gün 94 yaşında vəfat edib. 1954-cü ildən 1968-ci ilə qədər — 14 il ərzində o, birinci xanım rolunu icra edib və ömrünün son günlərinə qədər rəsmi tədbirlərdə iştirak edib”, — deyə məlumatda bildirilir.
Əksər ölkələrdən fərqli olaraq, Norveçdə “birinci xanım” termini baş nazirin həyat yoldaşına deyil, kral ailəsinin böyük qadın nümayəndəsinə şamil olunur. Astrid 1954-cü ildə anası Şahzadə Martanın ölümündən sonra birinci xanım statusunu alıb. 1968-ci ildə qardaşı Harald Sonya ilə ailə həyatı qurduqdan sonra bu rol SONYA-ya keçib.
Ölüm səbəbi açıqlanmır. Kral VIII Hokon başsağlığı verib. “Astrid xala Kral Haraldı və kral ailəsinin digər üzvlərini hər zaman dəstəkləyirdi. Biz ondan çox şey öyrəndik, o, öz fikrini bildirməkdən qorxmurdu. Onun ölümü bizim üçün böyük itkidir. Bizi onun yoxluğu çox incidəcək”, — deyə kral evi VIII Hokonun şərhini sitat gətirir.
Astrid II Ulafın ikinci qızı idi və 1932-ci ildə Osloda anadan olmuşdu. Astrid V Haraldın vəfatından dəqiq iki həftə sonra, onun dəfn mərasimindən iki gün sonra dünyasını dəyişib.
Məryəm
