Yura Parkı film seriyasındakı bir çox detal uydurma olsa da, filmin əsas ideyası olan “dinozavr DNT-sini daşıyan ağcaqanadlar” gözləniləndən daha realistik oldu.
Elchi.az xəbər verir ki, Florida Universitetinin yeni bir araşdırması, ağcaqanadların qidalandıqları ərazilərdəki ekoloji müxtəlifliyin tam mənzərəsini təmin edə biləcəyini ortaya qoydu.
Entomoloq Lorens Rivzin rəhbərlik etdiyi komanda, Floridadakı 10.900 hektarlıq qorunan ərazidə səkkiz ay ərzində 21 fərqli növdən 50.000-dən çox ağcaqanad topladı.
Bir neçə min dişi ağcaqanadın cəsədlərindən götürülən qan nümunələrini araşdıraraq, tədqiqatçılar ağcaqanad qanının ən kiçik qurbağalardan ən böyük inəklərə qədər bölgədəki bütün həyatın izlərini daşıdığını aşkar etdilər.
Bioloji DNT nümunə götürmə maşınları
Tədqiqatçılar toplanan ağcaqanadların DNT-sindən 86 fərqli heyvan növünü müəyyən edə bildilər. Bu rəqəm bölgədəki ağcaqanadlarla qidalandığı bilinən onurğalı növlərinin təxminən 80 faizinə uyğundur. Siyahıya ağaclarda yaşayan canlılardan köçəri quşlara, yerli növlərdən invaziv və ya nəsli kəsilməkdə olan heyvanlara qədər çox geniş heyvan çeşidi daxildir.
Böyük məməlilər arasında yalnız nəsli kəsilməkdə olan Florida panterası və köstəbək kimi bəzi kiçik, yeraltı canlılar tapılmadı. Alimlər ağcaqanadları “bioloji DNT nümunə götürmə maşınları” adlandıraraq, bu metodun ənənəvi sahə tədqiqatları qədər təsirli nəticələr verdiyini bildirdilər.
Şayəstə
