Yaponiyanın şimal-şərqindəki İvate prefekturasındakı Hanamaki hava limanında ayı uçuş-enmə zolağına daxil olduqdan sonra uçuşlar dayandırılıb.
Elchi.az xəbər verir ki, “NHK” dövlət telekanalının verdiyi məlumata görə, yerli vaxtla gecə saat 1:00 radələrində İvate Hanamaki hava limanında ayı uçuş-enmə zolağına daxil olub.
Səlahiyyətlilər təhlükəsizlik səbəbi ilə uçuşların müvəqqəti dayandırıldığını və ayının uçuş-enmə zolağından uzaqlaşdığını təsdiqlədikdən sonra uçuşların yerli vaxtla saat 14:30-da bərpa edildiyini açıqlayıb.
Yaponiya son zamanlar ayı hücumlarının artması ilə üzləşir.
Tokio hökuməti son vaxtlar artan ayı hücumlarına qarşı ehtiyat tədbiri olaraq hücumların ölkənin şimalında cəmləşdiyi Akita prefekturasına qoşun yeritmək qərarına gəlib.
Yaponiya hökuməti oktyabrın 31-də ayı hücumlarına qarşı mübarizə aparmaq üçün yeni lisenziya almış ovçuları işə götürməyi planlaşdırdığını açıqlayıb.
Məryəm
