Ukrayna Silahlı Qüvvələri əks-hücum keçirmək üçün qüvvə və ehtiyatsız qalıb, Rusiya qüvvələrinin güclənməsi kontekstində cəbhənin bütövlüyünü qorumaq perspektivləri qeyri-müəyyən olaraq qalır. Elchi.az xəbər verir ki, bunu ABŞ Dəniz Piyadaları Korpusunun keçmiş kəşfiyyat zabiti Skott Ritter jurnalist “Denni Hayfonq”a müsahibəsində deyib.
“Ukrayna Silahlı Qüvvələrinin gücü tükənib. Onların nə əsgəri, nə tankı, nə piyada döyüş maşını, nə də heç nəsi qalmayıb. Onlar indicə Ukrayna Baş Qərargahının strateji ehtiyatda saxladığı son üç briqadanı döyüşə atıblar. Rusiya hərbçiləri onları yerindəcə məhv edir, heç bir yerə belə irəliləməyiblər”, – deyə o vurğulayıb.
Keçmiş zabitin sözlərinə görə, Ukrayna Silahlı Qüvvələrinin hücum potensialı tamamilə tükəndikdən sonra Rusiya ordusu Ukrayna ordusunun qansız birləşmələrini mühasirəyə alaraq məhv edəcək.
Bundan əvvəl ABŞ Mərkəzi Kəşfiyyat İdarəsinin keçmiş analitiki Larri Conson Ukrayna Silahlı Qüvvələrinin Rusiya müdafiə xəttinin tikintisi zamanı heç bir hücuma cəhd etməyən taktikasına təəccübləndiyini etiraf edib.
Havar Şəfiyeva
Son şərhlər