ABŞ hərbçiləri Suriyadakı həbs yerlərindən terror təşkilatı “İslam Dövləti”nin (İŞİD) təxminən 5,7 min üzvünün İraqa köçürülməsi əməliyyatını başa çatdırıb.
Elchi.az xəbər verir ki, bu barədə ABŞ Silahlı Qüvvələrinin Mərkəzi Komandanlığı (CENTCOM) məlumat yayıb.
Məlumata görə, əməliyyat fevralın 12-də yekunlaşıb. “Yanvarın 21-də başlayan 23 günlük daşınma əməliyyatı ABŞ qüvvələrinin Suriyadakı həbs yerlərindən 5,7 mindən çox yetkin kişi İŞİD üzvünü uğurla İraqa köçürməsi ilə başa çatıb”, — deyə komandanlığın açıqlamasında bildirilir.
Bundan əvvəl CENTCOM ABŞ qüvvələrinin Suriyada saxlanılan İŞİD tərəfdarlarını İraqa köçürməyə başladığını bildirmişdi. Qeyd olunmuşdu ki, İraq ərazisinə çatdırılacaq silahlıların sayı 7 minə çata bilər.
Məryəm
