ABŞ Senatının respublikaçıların rəhbərlik etdiyi yarımkomitəsi iyul ayında “Hugging Face” platformasında baş vermiş məlumat sızması ilə əlaqədar “OpenAI” şirkətinə qarşı təhqiqata başlayıb.
Elchi.az xəbər verir ki, bu barədə “Axios” məlumat yayıb.
Fövqəladə halların idarə olunması üzrə yarımkomitənin sədri Coş Houli “OpenAI”nin baş icraçı direktoru Sem Altmana göndərdiyi məktubda, şirkətin daxili yoxlamanın nəticələrini dərc etməsindən sonra təhqiqatın başladığını bildirib.
Houli kiber-sınaqlar zamanı “OpenAI”nin fəaliyyətini tənqid edərək, tədqiqatçıların şirkətin AI agentlərinin nəzarətdən çıxdığını aşkar etməsindən sonra daha qətiyyətli tədbirlərin görülməməsini “məsuliyyətsizlik” adlandırıb. Onun sözlərinə görə, “OpenAI” həmçinin öz hesabatında insidentin “bir çox vacib təfərrüatlarını gizlədib”.
“Amerikalılar “Hugging Face” insidentində və AI modellərinin nəzarətdən çıxdığı digər hallarda nə baş verdiyinin təfərrüatlarını bilməyə layiqdirlər”, — deyə senator bəyan edib.
Houli həmçinin ekspertlərin süni intellektin ekzistensial riskləri barədə artan xəbərdarlıqlarını qeyd edib. Onun sözlərinə görə, “Anthropic” şirkətinin üç tədqiqatçısı bu həftə açıq şəkildə bildiriblər ki, növbəti onillikdə AI-nin bəşəriyyəti məhv etmə ehtimalı 10%-dən çoxdur.
Məryəm
