ABŞ Dövlət Departamentinin sözçüsü Metyu Miller, İsrailin hücumlarının davam etdiyi Qəzzada vəziyyətin qəbuledilməz olduğunu və daha çox ərzaq yardımına icazə verilməsi üçün İsrailə təzyiq ediləcəyini bildirib.
Elchi.az xəbər verir ki, Xarici İşlər Nazirliyinin sözçüsü Miller gündəlik mətbuat konfransında jurnalistlərin suallarını cavablandırıb.
İsrailin keçən həftə humanitar yardım gözləyən fələstinlilərə hücumuna toxunan Miller, bu hadisənin insanların yemək, su və dərman üçün çarəsiz olduqlarını “ağrılı və açıq şəkildə ortaya qoyduğunu” söylədi.
“Valideynlər uşaqlarını necə yedizdirəcəkləri ilə bağlı məlumat üçün ümidsizdirlər. Bir çoxları növbəti yeməklərinin haradan gələcəyini və ya ümumiyyətlə gəlib-gəlməyəcəyini bilmirlər”, – Miller deyib.
Qəzzadəki humanitar vəziyyətdən “son dərəcə narahat olduqlarını” ifadə edən Miller, “Vəziyyət qətiyyən qəbuledilməzdir. Bu səbəbdən ABŞ Qəzayya mümkün qədər çox kanaldan yardımı artırmağa və davam etdirməyə diqqət yetirir”- deyib.
Miller, Qəzzanın şimalına ərzaq tədarükünün artırılmasını asanlaşdırmaq üçün İsrail hökumətinə təzyiq etməyə davam edəcəklərini ifadə edib.
Beynəlxalq Ədalət Məhkəməsinin (ICJ) 26 yanvarda İsrailə qarşı çıxardığı ilkin qərarlar arasında “Qəzzada humanitar yardıma çıxışın təmin edilməsi” olsa da, İsrail qüvvələri təkcə ötən həftə humanitar yardım almağa çalışan mülki şəxslərə qarşı 127 hücum həyata keçirib.
Nuranə Məmmədova
Son şərhlər