Belarus Xarici İşlər Nazirliyinin mətbuat katibi Ruslan Varankov bildirib ki, Belarus NATO-nun yeni “Qələbə nəzəriyyəsi” planını pisləyir.
Elchi.az bu barədə “Tass”a istinadən xəbər verir.
“Bu konsepsiya dronlardan və yerüstü robot sistemlərindən istifadə etməklə Belarus ərazisinə qabaqlayıcı zərbələrin endirilməsini nəzərdə tutur. Şimali Atlantika Alyansının aqressiv ritorikası getdikcə daha sistemli xarakter alır”, – diplomat bildirib.
O qeyd edib ki, NATO öz sərhədləri boyunca hərbi mövcudluğunu artırmaq və Belarusdan heç bir təhdid olmadan suveren dövlətin ərazisinə zərbələr endirmək planları hazırlayır.
Bundan əvvəl Kalininqrad vilayətinin Qanunvericilik Assambleyasının sədri Andrey Kropotkin bəyan etmişdi ki, NATO ilə Rusiya arasında birbaşa münaqişə bütün Avropa üçün fəlakətə səbəb ola bilər.
Yeganə
