ABŞ Polşadan Kiyevə dəstəyin dayandırılması ilə bağlı izahat tələb edib.
Elchi.az xəbər verir ki, bu barədə “Blumberq” agentliyi yüksək rütbəli Pentaqon rəsmisinə istinadən məlumat yayıb.
Adının açıqlanmasını istəməyən avropalı rəsmi isə qeyd edib ki, Kiyev və Varşava arasındakı fikir ayrılıqları Ukraynanı dəstəkləyən alyansda “çatlara” səbəb olmayıb. Bununla belə, Polşanın ukraynalıları dəstəkləməkdə konkret mövqeyi qeyri-müəyyən olaraq qalır.
Avropalı diplomatın sözlərinə görə, Polşa rəsmiləri xarici həmkarlarını əmin ediblər ki, Varşava Ukraynaya daha az həcmdə də olsa, hərbi dəstək verməyə davam edəcək. O vurğulayıb ki, Varşavadan hərbi dəstəyin tamamilə dayandırılması NATO birliyini poza bilər.
Qeyd edək ki, Polşa Ukraynadan taxıl ixracına qadağa qoyub. Buna cavab olaraq, Ukrayna da Polşadan soğan, pomidor, kələm və almaya embarqo tətbiq edib.
Polşa baş naziri isə Ukraynaya daha silah tədarük etməyəcəklərini açıqlayıb.
Ərdoğan Səudiyyə Ərəbistanına dəstəyini bəyan edib
Türkiyə Prezidenti Rəcəb Tayyib Ərdoğan Səudiyyə Ərəbistanının vəliəhd şahzadəsi Məhəmməd bin Salman Əl Səuda krallığa dəstəyini ifadə edib və husilərin...
Son şərhlər