ABŞ Dövlət Departamenti İranda olan ABŞ vətəndaşları üçün təcili xəbərdarlıq yayımlayaraq, onları ölkəni dərhal tərk etməyə çağırıb.
Bu barədə Elchi.az departamentin “X” sosial şəbəkəsindəki paylaşımına istinadən məlumat yayıb.
«21 aprel tarixindən etibarən İranın hava məkanı qismən açılıb. ABŞ vətəndaşları İranı tərk etməli, yerli mətbuatdakı xəbərləri izləməli və İrandan reyslər haqqında əlavə məlumat üçün kommersiya daşıyıcılarına müraciət etməlidirlər. İranı tərk etmək istəyən amerikalılar həmçinin quru yolu ilə Ermənistan, Azərbaycan, Türkiyə və Türkmənistana gedə bilərlər. ABŞ vətəndaşları Əfqanıstan, İraq, habelə Pakistan və İranın sərhədyanı bölgələrinə səfər etməməlidirlər. Nəzərə alın ki, İran hakimiyyəti ABŞ vətəndaşlarının ölkədən çıxışına mane ola bilər və ya “çıxış rüsumu” tələb edə bilər. ABŞ və İranın ikili vətəndaşlığına sahib olan şəxslər İranı İran pasportları ilə tərk etməlidirlər», — deyə məlumatda bildirilir.
Məryəm
