Kreml Fransanın nüvə başlığı daşıya bilən ballistik raket sınağını Rusiya ilə qarşıdurmaya əsaslanan və dalana dirənən bir strategiya kimi qiymətləndirib.
Britaniya sahilləri yaxınlığında sualtı qayıqdan ballistik raketin buraxılması ilə bağlı sınaqdan sonra verdiyi açıqlamada Fransa Prezidenti Emmanuel Makron sınağın bilavasitə Rusiyanı hədəf aldığını açıq şəkildə bildirməsə də, müvafiq tərəflərə çatdırılmaq istənilən mesajın aydın və qəti şəkildə ünvanlandığını vurğulayıb.
Raket sınağı Ukraynadakı müharibə və Avropa boyunca hibrid hücumların artması fonunda Moskva ilə Qərb arasında gərginliyin yüksəldiyi bir dövrdə həyata keçirilib.
Kreml “dalana dirənən” strategiyanı tənqid edir
Fransanın bu addımına münasibət bildirən Kremlin sözçüsü Dmitri Peskov qeyd edib ki, Avropa öz müdafiə və təhlükəsizlik siyasətini Rusiya Federasiyası ilə qarşıdurma prinsipi üzərində qurur.
Peskov bu yanaşmanın dalana dirənən bir yol olduğunu və tarixin də göstərdiyi kimi, müsbət nəticə verməyəcəyini bildirib.
Eyni zamanda, gecə saatlarında paytaxt Kiyevə edilən intensiv Rusiya raket və dron hücumları nəticəsində iki nəfər həlak olub. Partlayış səslərindən sonra sakinlər metro stansiyalarında sığınacaq tapıblar.
Şayəstə
