NATO-nun baş katibi Mark Rutte, İranın nüvə silahı əldə etməsinin bütün dünya üçün təhlükə yaradacağını iddia edərək, “İran heç bir halda nüvə silahına sahib olmamalıdır” dedi.
Elchi.az xəbər verir ki, Ağ Evdə ABŞ prezidenti Donald Trampla görüşündən sonra jurnalistlərə verdiyi açıqlamada Rutte, Ankarada keçiriləcək NATO Zirvə Toplantısını və Avropa və Kanadada müdafiə xərclərinin artırılması ilə bağlı məsələləri müzakirə etdiklərini söylədi.
NATO ölkələrinin İranın nüvə silahına sahib olmasının qarşısını almaq üçün ortaq bir mövqe tutduqlarını vurğulayan Rutte, İranın nüvə silahı əldə etməsinin bütün dünya üçün təhlükə yaradacağını iddia etdi.
Rutte, “İran heç bir halda nüvə silahına sahib olmamalıdır” dedi.
Müdafiə xərcləri ilə bağlı İspaniya ilə fikir ayrılığı
Trampın NATO-ya sadiq qaldığını bildirən Rutte, ABŞ prezidentinin müttəfiqlərindən müdafiə xərclərini artırmalarını gözlədiyini söylədi. Rutte, İspaniyanın da NATO-nun müdafiə məqsədlərini yerinə yetirməyə sadiq olduğunu və Madrid hökumətinin müdafiə xərclərini ÜDM-in 2,2 faizinə çatdırmaqla bu məqsədlərə nail ola biləcəyini iddia etdiyini bildirdi.
O, bu qiymətləndirmə ilə razılaşmadığını ifadə edərək, hədəflərə çatmaq üçün daha yüksək müdafiə xərclərinin zəruri olduğuna inandığını və bu fikir ayrılığının ötən ildən bəri dəyişməz qaldığını söylədi.
Şayəstə
