Valensiya muxtar birliyinin Bonyol şəhərində keçirilən ənənəvi pomidor döyüşündə 22 minə yaxın insan iştirak edib.
Elchi.az xəbər verir ki, təşkilatçıların bildirdiyinə görə, bu il illik “Tomatina” festivalı 79-cu dəfə baş tutub.
Bir saat davam edən “döyüş” ərzində iştirakçılar təxminən 150 ton pomidordan istifadə ediblər ki, bu da 2025-ci ildəkindən 30 ton çoxdur. Xəsarətlərin qarşısını almaq üçün tərəvəzlər öncədən tədarük edilir və daha yumşaq olmaları üçün xüsusi temperatur rejimində saxlanılır. Təhlükəsizliyi təmin etmək məqsədilə gün ərzində şəhərdə tibb briqadaları və hüquq-mühafizə orqanları növbətçilik edir. Yerli “Las Provincias” nəşrinin məlumatına görə, tədbir zamanı istifadə olunan istiot qazı səbəbindən ən azı dörd nəfər tibbi yardıma müraciət edib.
Əhalisi 10 min nəfəri keçməyən Bonyolda “Tomatina” günlərində miqyaslı bayram tədbirləri təşkil olunur. Proqrama yarmarkalar, müsabiqələr, teatr və musiqi nümayişləri daxildir. Festivalın qonaqları həmçinin İspaniyanın milli yeməyi olan paelyanı dadmaq imkanı əldə edirlər. Bayram şəhərin havadarı olan Müqəddəs Luiz Bertranın şərəfinə bir həftə davam edən festivaldan öncə keçirilir. İlk belə “döyüş” 1945-ci ilin avqustunda baş tutub.
Məryəm
