ABŞ və NATO arasında gərginlik fonunda kritik bir görüş baş tutdu. NATO-nun baş katibi Mark Rutte ABŞ prezidenti Donald Trampla görüşdü.
Elchi.az xəbər verir ki, Ağ Evdə qapalı qapılar arxasında keçirilən görüşün əsas mövzuları ABŞ-NATO münasibətləri və ABŞ ilə İran arasında müvəqqəti atəşkəs razılaşması idi. Görüşdən sonra birgə bəyanat verilmədi.
NATO-nun baş katibi Rutte görüşlə bağlı Amerika mediasına şərh verdi.
Rutte dedi: “Trampla çox açıq və səmimi görüşümüz oldu”. Rutte bildirib ki, Tramp NATO müttəfiqlərindən məyusluğunu ifadə edib. “Mən Trampa əksər Avropa ölkələrinin onu dəstəklədiyini dedim”, – deyə o bildirib.
Digər tərəfdən, ABŞ prezidenti Tramp sosial media hesabında açıqlama verib.
Tramp dedi: “NATO ehtiyac duyduğumuz zaman orada deyildi və yenidən ehtiyac duysaq da, orada olmayacaq”.
Tramp paylaşımında NATO-nu Qrenlandiya məsələsində ABŞ-a dəstək vermədiyinə görə də tənqid edib.
Şayəstə
