ABŞ hökuməti İrana hücumlar və Tehranın cavab tədbirləri davam etdiyi bir vaxtda, xüsusən də Yaxın Şərqdəki vətəndaşlarını “daha diqqətli olmağa” çağırıb.
Elchi.az xəbər verir ki, ABŞ Dövlət Departamenti bu məsələ ilə bağlı yeni bir açıqlama yayıb.
Bəyanatda qeyd olunur ki, hazırda ABŞ-ın dünya üzrə diplomatik nümayəndəlikləri hədəfə alınır və hava məkanının vaxtaşırı bağlanması səyahətlərdə fasilələrə səbəb ola bilər. “İranla əlaqəli qruplar dünyanın hər yerində Amerika ilə əlaqəli yerləri hədəfə ala bilər” xəbərdarlığı ilə bəyanatda xaricdəki vətəndaşlara ən yaxın ABŞ səfirliyi və ya konsulluğu tərəfindən verilən son təhlükəsizlik elanlarına əməl etmələri tövsiyə olunur.
Bəyanatda bütün ABŞ vətəndaşları, xüsusən də Yaxın Şərqdəkilər “daha diqqətli olmağa” çağırılır.
Şayəstə
