ABŞ prezidenti Donald Tramp ABŞ-ın bazalarından istifadə etməsinə icazə verməyən İspaniya ilə bütün ticarət əlaqələrini kəsəcəyini bildirib.
Elchi.az xəbər verir ki, ABŞ prezidenti Donald Tramp Oval Ofisdə Almaniya kansleri Fridrix Merz ilə görüşdə jurnalistlərin suallarını cavablandırıb.
ABŞ-ın bazalarından istifadə etməsinə icazə verməyən İspaniya ilə bağlı Tramp deyib: “İspaniya dedi ki, biz onların bazalarından istifadə edə bilmərik, bu doğru deyil. İstəsək, onların bazalarından istifadə edə bilərik. Heç kim bizə bazalarından istifadə etməməyi deyə bilməz. İspaniya hazırda dəhşətli vəziyyətdədir. Əslində, mən Maliyyə Naziri Skott Bessentə İspaniya ilə bütün ticarət əlaqələrini kəsməyi tapşırdım”.
Tramp həmçinin Avropa ölkələrinin ABŞ və İsrailə daha çox dəstək verməli olduğunu bildirib və Böyük Britaniya ilə bağlı açıqlama verib. Tramp ABŞ bazasının yerləşdiyi Dieqo Qarsiyanın Böyük Britaniyanın yüzillik icarə müqaviləsinə münasibət bildirərək deyib: “Böyük Britaniya da əməkdaşlıqdan uzaqdır. Böyük Britaniyanın münasibəti şokedicidir, amma biz Çörçillin dövründə yaşamırıq. Onlar Dieqo Qarsiyanı yüz il müddətinə axmaqcasına icarəyə veriblər”.
Şayəstə
