Ukrayna Prezidenti Volodymyr Zelenski Ukraynanın İranın “Şahid” pilotsuz təyyarələrinin hədəf aldığı Körfəz ölkələrinə ekspert dəstəyi verə biləcəyini bildirib və əlavə edib: “Tərəfdaşlarımızı qorumağa yönəlmiş bu cür əməkdaşlıq yalnız Ukraynanın öz müdafiə qabiliyyətini zəiflətmədən həyata keçirilə bilər”.
Elchi.az xəbər verir ki, Ukrayna Prezidenti Volodymyr Zelenski sosial media hesabında İranın Körfəz ölkələrini hədəf alan cavab hücumları ilə bağlı açıqlamalar verib. O, Birləşmiş Ərəb Əmirlikləri (BƏƏ) və Qətər liderləri ilə danışdığını bildirib və əlavə edib: “Biz bu diplomatik münasibətləri Yaxın Şərq və ümumiyyətlə Körfəz ölkələri ilə davam etdirəcəyik”. Zelenski Ukraynanın müharibənin və zorakılığın yayılmasına qarşı çıxan hər kəslə həmrəyliyini vurğulayaraq bildirib: “İran rejimi onilliklərdir qonşularının və çata biləcəyi hər yerdə insanların həyatını məhv etməyə sərmayə qoyub və bu baxımdan Ukraynaya qarşı müharibədə Rusiya ilə əlbir olub”.
Zel həmçinin onların “Şahid” pilotsuz təyyarələri sahəsindəki təcrübələrini də vurğulayıb.
İranı “Şəhid” dronlarına görə tənqid edən Zelenski deyib: “Ukrayna hava məkanında hər bir “Şəhid” dronunun İran rejiminin insanların həyatını məhv etmək və öldürmək cəhdlərinə görə məsuliyyət daşımalı olduğunu sübut edir. Bu münaqişədə həyatı müdafiə edənlərin qalib gəlməsi vacibdir”. Zelenski qeyd edib ki, Ukrayna İran istehsalı olan “Şəhid” dronlarına qarşı özünü müdafiə etməkdə ixtisaslaşıb və bu mövzuda digər ölkələrə dəstək verə bilər. O bildirib ki, “BƏƏ və Qətərdən, eləcə də digər dövlətlərdən olan komandalarla birlikdə insanların həyatını daha effektiv şəkildə necə qoruya biləcəyimizi müəyyən edəcəyik. Ukraynanın “Şəhid” dronlarına qarşı mübarizə təcrübəsi hazırda dünyanın ən qabaqcıl səviyyəsindədir. Bu dronlar həmçinin regiondakı ən böyük çətinliyi təmsil edir”.
O, tərəfdaşlarının müdafiəsini dəstəkləyəcək əməkdaşlığa açıq olduqlarını əlavə edərək, “Tərəfdaşlarımızı qorumağa yönəlmiş bu cür əməkdaşlıqlar yalnız Ukraynanın öz müdafiə qabiliyyətlərini zəiflətmədən edilə bilər. Rusiyanın Ukraynaya qarşı müharibəsi davam edir, Rusiyanın hücumları davam edir və ukraynalıların həyatını qorumaq bizim prioritetimiz olaraq qalır”.
Şayəstə
