Böyük Britaniyanın “Times” qəzeti ölkənin iqtisadi gələcəyində mühüm rol oynayan xarici investisiya ilə bağlı yazı dərc edib.
ANS PRERSS-in məlumatına görə, qəzet əsas diqqəti Rusiya sərmayədarlarının Londonu necə tərk etməsinə yönəldib. Bildirilir ki, Rusiyadan olan investorlar Böyük Britaniyaya qoyduqları 356 milyard dolları son 15 ayda çıxarmağa başlayıblar. Vəsaitin hansı banklardan çıxarılması və hara köçürülməsi ilə bağlı məlumat verilməyib.
Yazıda deyilir: “Bu, seçkilərdən sonra İngiltərədə qeyri-müəyyən vəziyyət yaradacaq və Avropanın Rusiyaya qarşı sanksiyasının nəticəsində yaranan amildir. Milyardlarla vəsaitin ölkədən çıxarılması görünməmiş hadisədir və funt sterlinqin kursuna ciddi təsir göstərəcək.”
Ekspertlər deyiblər ki, bu hadisə dolların güclənməsi, eləcə də Ukraynaya görə Moskvaya tətbiq olunan sanksiyası ilə bağlıdır. Dolların məzənnədə qalxması rus sərmayədarları pullarını funt sterlinqdən dollara keçirməyə sövq edir.
Xatırladaq ki, ötən ilin dekabrında Prezident Vladimir Putin oliqarxlara vəsaitlərini ölkəyə qaytarmağa səsləyib.
Son şərhlər