“Avropa İttifaqı mümkün sülh razılaşmasından sonra Ukrayna üçün təhlükəsizlik təminatları çərçivəsində öz hərbi kontingentini göndərmək barədə qərar verə bilməz”,- bunu Almaniya kansleri Fridrix Merz deyib.
Elchi.az xəbər verir ki, onun sözlərini “DPA” agentliyi sitat gətirib.
Siyasətçi Avropa Komissiyasının rəhbəri Ursula fon der Lyayenin sözlərini şərh edib : “Avropa İttifaqı Ukraynaya hərbi dəstək barədə qərarlara görə məsuliyyət daşımır.
Sentyabrın 1-də von der Lyayen bildirib ki, Avropanın sülh sazişindən sonrakı təhlükəsizlik zəmanətinin bir hissəsi kimi Ukraynaya qoşun yeritmək üçün “olduqca aydın planı” var. O, əlavə edib ki, Aİ liderləri çoxmillətli qoşunlar və ABŞ-ın dəstəyi ilə bağlı plan üzərində işləyirlər.
Onun sözləri daha sonra Almaniyanın müdafiə naziri Boris Pistorius tərəfindən tənqid olundu və o, Aİ-nin heç bir yerə qoşun yerləşdirmək səlahiyyətinin olmadığını, buna görə də danışıqlardan əvvəl bu cür məsələlərin müzakirəsinin qəbuledilməz olduğunu bildirib.
Nuranə Məmmədova
Son şərhlər