ABŞ-a səfərə gedən Türkiyə prezidenti Rəcəb Tayyib Ərdoğan hava limanında jurnalistlərə açıqlama verib.
Rus təyyarəsinin Türkiyə hava məkanının pozması ilə bağlı danışan Ərdoğan Putinə sərt mesajlar göndərib.
“Rusiyaya aid olduğu təsbit edilən bir döyüş təyyarəsi, bizim hava məkanımızı pozub. İngilis və rusca bütün xəbərdarlıqlara baxmayaraq hərbi təyyarə sərhədi pozub. Baş verən bu olay Rusiyanın bölgədəki böhranı artırma cəhdinin nəticəsidir. Rusiya Türkiyənin suverenlik hüquqlarına qarşı bu pozuntularına davam etməsi halında bunun acı nəticələrinə dözmək məcburiyyətində qalacaqdır.”
Ərdoğan Rusiyanın Suriyadakı əməliyyatlarından da danışıb.
“Rusyanın bölgədəki əməliyyatlarının İŞİD-lə mübarizəylə heç bir əlaqəsi yoxdur və Suriya rejimini hakimiyyətdə saxlama yönümlüdür. Bu hücumların İŞİD-lə yaxından uzaqdan əlaqəsi yoxdur. İŞİD-in yerləşdiyi mövqelərə hər hansısa hücum edilmir.
Ərdoğan Rusiya rəsmilərinin PKK terror təşkilatı ilə görüşdüyünü və rəsmi Moskvanın PKK-ya dəstək verəcəyi barədə məlumatlarının olduğunu deyib.
“Rusiyanın buradakı yanaşması da doğru-dürüst deyil. Onsuz da Rusiyanın PKK terror təşkilatı ilə görüş keçirməklə çirkaba batıb. Açıq şəkildə deyim ki, Rusiya PKK-ya dəstək vermək barədə üzərinə öhdəlik götürüb.”
Son şərhlər