Dövlət başçısı ilin yekunlarına həsr olunan konfrans keçirib
“Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının birinci ilinin yekunlarına həsr olunan konfrans keçirilib.
ANS PRESS-in AzərTAc-a istinadən verdiyi məlumata görə, prezident İlham Əliyev yanvarın 27-də Heydər Əliyev Mərkəzində baş tutan konfransda iştirak edib.
Dövlət başçısı konfransda giriş nitqi söylədi.
Sonra iqtisadiyyat və sənaye naziri Şahin Mustafayev, kənd təsərrüfatı naziri Heydər Əsədov, “Meliorasiya və Su Təsərrüfatı” Açıq Səhmdar Cəmiyyətinin sədri Əhməd Əhmədzadə, “Azərsu” Açıq Səhmdar Cəmiyyətinin sədri Qorxmaz Hüseynov çıxış etdilər.
Daha sonra Azərbaycan Prezidenti konfransda yekun nitqi söylədi.
ANS PRESS
