Ukraynanın maaş və sosial müavinətləri ödəmək üçün ayda ən azı 7 milyard dollar maliyyə yardımına ehtiyacı var.
Elchi.az “TASS”a istinadən xəbər verir ki, bunu Ukrayna prezidenti Volodimir Zelenski Kiyevə səfəri zamanı Avropa Komissiyasının rəhbəri Ursula Fon der Leyenə deyib. Mənbələrin bildirdiyinə görə, Ukrayna lideri taxıl ixracı ilə bağlı problemi də Fon der Leyenin diqqətinə çatdırıb.
Fon der Leyen isə öz növbəsində, icmanın bu problemi həll etmək üçün sürətləndirilmiş prosedurlardan istifadə etmək niyyətində olduğunu bildirib.
Xatırladaq ki, aprelin 8-də Kiyevə Avropa Komissiyasının rəhbəri və Aİ-nin xarici işlər və təhlükəsizlik siyasəti üzrə ali nümayəndəsi Xosep Borrell səfər edib.
Son şərhlər