Uqanda mərkəzli şəbəkələrin yaralı heyvanların şəkillərini sosial mediada paylaşaraq Qərb donorlarından pul topladığı ortaya çıxdı. Bəzi heyvanların qəsdən yaralandığı və müalicə olunmadan ölməyə buraxıldığı iddia edilir.
Elchi.az xəbər verir ki, BBC, Uqanda fırıldaqçılarının yaralı heyvanların videolarından istifadə edərək sosial media vasitəsilə necə ianə topladığını aşkar etdi. Avropa, Şimali Amerika və Avstraliyadakı heyvansevərlər xüsusilə hədəfə alınıb.
Viral TikTok videosunda ağır yaralanan “Russet” adlı itin hekayəsi də bu üsulları ortaya qoydu. 15 saniyəlik videoda itin qəzada yaralandığı iddia edildi və izləyicilərdən ianə etmələri istəndi. Lakin yüzlərlə kampaniyada minlərlə dollar toplanmasına baxmayaraq, Russetin sağalmadığı və əvəzində öldüyü müəyyən edildi. Məlumata görə, itin fırıldaqçılar tərəfindən qəsdən yaralanması da mümkündür. Adı açıqlanmayan bir britaniyalı Russeti fırıldaqçılardan xilas edərək baytara apardı. Uqanda baytarı Dr. İsa Lutebemberva, itin bütün sümüklərinin eyni anda sınıq olduğunu və bunun qəza olmasının çox ehtimal olunmadığını bildirdi. Əməliyyatdan bir neçə gün sonra it öldü.
Şayəstə
