Almaniyanın Osnabrük şəhərindəki “Volkswagen” zavodunun müdafiə sənayesi istehsalat sahəsinə çevrilməsi planlaşdırılır.
Elchi.az “Deutschlandfunk”a istinadən xəbər verir ki, “Volkswagen” müəssisəni Aşağı Saksoniya federal torpağına və İsrailin “Aurelius Capital” investoruna satacaq. 2027-ci ildə avtomobil istehsalının dayandırılması planlaşdırıldıqdan sonra sahənin tədricən müdafiə sənayesi üçün kompetensiya mərkəzinə çevrilməsi nəzərdə tutulur.
Yaxın illərdə orada “Dəmir Qübbə” HHM sistemini istehsal edən İsrailin “Rafael” istehsalçısının zenit-raket komplekslərinin buraxılışına başlanılacaq.
Daha əvvəl “Financial Times” yazmışdı ki, Almaniyanın avtomobil komponentləri istehsalçıları daha yüksək artım perspektivləri olan sahələrə, o cümlədən müdafiə sənayesinə daha fəal şəkildə yönəlirlər.
Məryəm
