“Saytlardan götürülən məlumatlar əsasında hakerlər, vətəndaşlara fişinq hücumları edirlər.
Bu iş təklifləri arasında ən təhlükəlisi isə düşmən ölkələrin hakerləri tərəfindən təşkil olunanlardır”-bu sözləri Elchi.az-a açıqlamasında Kibertəhlükəsizlik mütəxəssisi Elgün Abdullayev deyib.
O, eyni zamanda qeyd edir:”Düşmən ölkələrin hakerləri xəritəsalma, turizm kimi saxta şirkət hesabları yaradaraq onlar adından iş elanları verib, vətəndaşlardan müxtəlif yer, küçə, prospektlərin şəkillərinin çəkilməsi kimi istəklər qarşısında böyük miqdarda pul təklifi edirlər. Nəticədə insanlar bilmədən, istəmədən də olsa düşmən ölkələr üçün casus işini görür. Bu kimi iş elanları ölkəmiz üçün mühim təhlükədir. Bütün bu səbəbləri nəzərə aldıqda, anlamalıyıq ki, virtual mühitdə yanlış hərəkətlərimiz böyük problemlər doğura bilər. Buna görə də vətəndaşlarımız diqqətli olmalı, iş təklifi gələn zaman, ünsiyyətdə olan şəxsin həmin şirkətin əməkdaşı olmasını tam dəqiqləşdirməli və göndərilən iş elanlarını maksimum araşdırdıqdan sonra öz şəxsi məlumatlarını verməlidir”.
Havar Şəfiyeva