Bu gün Vətəndaş Hüquqlarının Müdafiəsi naminə Hüquq Müdafiə Təşkilatının ofisində Xocalı faciəsini anma tədbiri keçirilib. Tədbirdə tanınmış hüquq müdafiəçiləri, mətbuat nümayəndələri və Xocalıdan olan sakinlər iştirak edib.
Giriş sözü ilə tədbiri açıq elan edən VHM sədri Elnur Məmmədli təşkilatın yeni yaranmasına baxmayaraq Xocalı vəhşətinin dünyaya çatdırılması üçün bütün imkanlarını səfər etdiklərini bildirib.
-Biz hazırda Xocalı soyqırımını dünya ictimaiyyətinin diqqətinə çatdırmaq üçün ciddi layihə üzərində çalışırıq. Hesab edirik ki, insanlıq tarixinin ən böyük qətliamlarındam hesab olunan 26 Fevral Xocalı Soyqırımının təfsilatını təkcə Azərbaycana dost və qardaş ölkələ deyil, həm də bu cinayəti törədib sonra mahiyyəti üzrə danan ermənilərə də çatdırmaq lazımdır. Bizim təşkilatımız hazırda belə bir layihə üzərində çalışır. Hesab edirik ki, Xocalı qətliamının Azərbaycana və Türk dünyasına nifrətlə bəslənərək yetişdirilən erməni gəncliyinə olduğu kimi çatdırmaq lazımdır. Əfsuslar olsun ki, biz bu məslədə yubanmışıq. Amma VHM bu məsələdə qətiyyət nümayiş etdirməklə itirilmiş zamanı Azərbaycan həqiqətlərinin hər bir şəxsə eyni qaydada çatdırılmasında ən əhəmiyyətli vasitə ola biləcək.
Elnur Məmmədlinin çıxışının ardından söz alan təşkilatın Beynəlxalq Əlaqələr Sektorunun rəhbəri Tural Əliyev bu dönəm ərzində “Xocalıya ədalət” kompaniyası çərçivəsində reallaşdırılmış layihələrdən, o cümlədən xarici ölkələrin Azərbaycandakı səfirlikləri ilə aparılan təbliğat işlərindən bəhs edən hesabatı tədbir iştirakçılarına təqdim etdi.
Daha sonra çıxış edən Xocalı sakinləri VHM sədrinin çıxışında toxunduğu məslənin əhəmiyyətindən bəhs etdilər. Onlar bütün Xocalı sakinləri adından VHM-ə bu yolda uğur arzuladıqlarını dilə gətirdilər.
