Almaniya kantsleri Fridrix Merz ötən istirahət günlərində ölkənin bir neçə şəhərində baş verən iğtişaşlar zamanı zorakılıq törədənlərə qarşı sərt tədbirlərin görülməsinə çağırıb.
Elchi.az xəbər verir ki, bu barədə Merz mənsub olduğu mühafizəkar Xristian-Demokrat İttifaqının (XDİ) yerli bölmə rəhbərlərinin konfransındakı çıxışında bəyan edib.
“Küçələrimiz zorakılıq yeri deyil və mənim hökumətim buna dözməyəcək”, – deyə bildirib.
“Polis əməkdaşlarına və təcili yardım xidməti işçilərinə hücum edən, mağazaları qarət edən hər bir kəs bizim azadlığımıza qəsd edir, cəmiyyətə və gənclərin qanuni maraqlarına rişxənd edir. Cinayətkarlar qanunun bütün gücünü öz üzərilərində hiss edəcəklər”, – deyə kantsler vurğulayıb.
Merz polislərin nümayunəvi şəkildə hərəkət etdiyini qeyd edərək onlara xüsusi təşəkkürünü bildirib.
O, həmçinin gənclərin əksəriyyətinin nümayişləri dinc şəraitdə keçirdiyini diqqətə çatdırıb. Onun sözlərinə görə, bu istirahət günlərindən çıxardığı əsas nəticə ondan ibarətdir ki, “gənc nəsil siyasi cəhətdən aktivdir və öz gələcəyindən narahatdır”.
Məryəm
