Venesuela Xarici İşlər Nazirliyi ABŞ-dan tankerin heyətini azad etməyi və nefti geri qaytarmağı tələb edib.
Elchi.az xəbər verir ki, Venesuela ABŞ-dan qaçırılan tankerin heyətini təcili olaraq azad etməyi, oğurlanmış nefti geri qaytarmağı və qanuni ticarətə müdaxiləni dayandırmağı tələb edib. Bu barədə Venesuela Xarici İşlər Naziri İvan Gil Pintonun BMT Təhlükəsizlik Şurasının sədrinə Telegram kanalında dərc olunmuş məktubunda bildirilib.
Venesuela Xarici İşlər Naziri BMT Təhlükəsizlik Şurasını ABŞ tərəfindən dəstəklənən piratçılıq aktını, özəl gəmiyə qarşı qanunsuz hərbi güc tətbiqini və qanuni beynəlxalq ticarətə aid yüklərin oğurlanmasını açıq şəkildə qınamağa çağırıb.
Pinto Karib dənizində ABŞ qüvvələri tərəfindən tankerin ələ keçirilməsini “dövlət piratçılığı aktı” və “ABŞ-dan kənar aktivlərin kobud oğurlanması” adlandırıb. Nazir vurğulayıb ki, Bolivar Respublikası “öz resurslarının qanuni ticarətinə dair suveren və ayrılmaz hüququnu həyata keçirməyə davam edəcək və bu qanuni əməliyyatların oğurluq, müsadirə və ya piratçılıq aktlarından azad olmasını tələb edəcək”.
Dekabrın 10-da ABŞ, təyyarədaşıyan gəmisi Gerald R. Ford-dan istifadə edərək Karib dənizində Venesuela nefti daşıyan bir tankeri ələ keçirdi. ABŞ Prezidenti Donald Tramp Vaşinqtonun nefti saxlayacağını bildirdi. Daha sonra Ağ Evin mətbuat katibi Kerolin Livitt ABŞ-ın Venesuela sahillərində ələ keçirilən tankeri və onun daşıdığı nefti müsadirə edəcəyini açıqladı.
Şayəstə
