“Qərbin Cənubi Qafqaza inteqrasiyasının əsas məqsədi orada Rusiyanın gücünün azaldılmasıdır. Hazırda Avropa İttifaqı dövlətlərin Ermənistan ərazisində olmasının şahidi oluruq. Bu missiyanın əsas hədəfi Rusiyanı zəiflətmək və nəinki Ermənistandan, ümumiyyətlə dünya arenasında kənarlaşdırmadır”-bu sözləri Elchi.az-a açıqlamasında politoloq Turan Rzayev deyib.
Mövcud vəziyyətin ölkəmiz üçün daha qazanclı olduğunu vurğulayan politolog Azərbaycanın həmişə öz mövqeyini yerində saxlayan və tərəflərin maraqlarını nəzərə alan bir ölkə kimi tanındığını da dilə gətirib.
“Bu həm də o baxımdan vacibdir ki, rəsmi Bakı bu yolla həm Rusiya ilə, həm qərblə mütəmadi təmaslar qura bilir. Hər iki tərəfə mövqeyi çərçivə daxilində saxlayır. Bir dövləti digər dövlətdən üstün tutmadığı kimi, seçim də etmir. Bu həm də cənubi Qafqazda mövcud problemlərin həllində əlavə dividentlər yaradır.
Biz həm Soçi, həm də Brüssel görüşlərində iştirak etdik. Tərəflərin biri daha çox təzyiq etmək istədikdə digərinə daha meyilli görsənirdi. Azərbaycanın Avropadakı çıxışların təsiridir ki, separatçı Vardanyan vəzifəsindən göndərildi. Bu Azərbaycanın birbaşa diplomatik nüfuzunu qaldıran bir məsələdir”.
Havar Şəfiyeva
Son şərhlər