“Artsaxın müstəqilliyi ilk növbədə təkcə beynəlxalq təşkilatlardan deyil, bizim istəyimizdən irəli gəlir”.
Elchi.az xəbər verir ki, bunu fevralın 24-də Xankəndidəki separatçıların “dövlət naziri” Ruben Vardanyan bildirib.
“Mən son altı aydır Artsaxdayam və sizi əmin edə bilərəm ki, Artsax vətəndaşlarının əksəriyyəti belə düşünür, onlar müstəqil olmaqdan başqa heç bir variantda özlərini görmürlər. Eyni zamanda, bir problemimiz var ki, insanların özünə inamı, ədalətə, liderliyə, gələcəyə inamı itib. Əgər inamınız yoxdursa, döyüşmək çox çətindir”, – Vardanyan vurğulayıb.
Onun sözlərinə görə, “Artsax” çox ciddi dəyişikliklərlə üz-üzədir.
“1998-ci ildə Artsaxda hərəkat başlayanda biz təkcə Artsaxın müstəqilliyi məsələsini müzakirə etmirdik, biz öz dəyərlərimizi, prinsiplərimizi, nəyə hazır olduğumuzu və nəyə hazır olmadığımızı müzakirə edirdik. Məlum oldu ki, bizim “müstəqil” Ermənistanımız, diasporumuz var, bizim Artsaxda Ermənistana qoşulmaq istəyən 120 min ermənimiz var, amma eyni zamanda bir problemimiz var ki, bu vəziyyətdə atmalı olduğumuz ilk addım yolu bitirməkdir. Artsaxın müstəqilliyi və öz müqəddəratını təyin etməsi. Əminəm ki, biz hər gün bu işi görsək və bu, bizim üçün ən vacib iş olsa, bu çətinlikləri ancaq bir halda dəf edə bilərik”.
Yeganə