Ümumdünya Səhiyyə Təşkilatının (ÜST) baş direktoru Tedros Adhanom Qebreyesus kruiz gəmisində aşkar edildikdən sonra qlobal problemə çevrilən hantavirusun riskini “qlobal əhali üçün aşağı” olaraq qiymətləndirməyə davam etdiklərini bildirdi.
Elchi.az xəbər verir ki, Qebreyesus, ABŞ-da yerləşən X şirkətinin sosial media platforması hesabında Hollandiya bayrağı altında üzən “MV Hondius” gəmisində hantavirusun aşkarlanmasından sonrakı hadisələrlə bağlı açıqlama verdi.
Qebreyesus, 2 maydan bəri hantavirusla bağlı yeni ölüm hallarının qeydə alınmadığını bildirdi və dedi: “ÜST-ə bildirilən 11 haldan 8-nin laboratoriya testləri ilə And virusu infeksiyası olduğu təsdiqləndi. Qalan hal daha ətraflı testdən keçir. ÜST qlobal əhali üçün riski aşağı olaraq qiymətləndirməyə davam edir.”
Qebreyesus qeyd etdi ki, onlar bütün müvafiq ölkələrdən olan mütəxəssislərlə sıx əlaqədədirlər və rəsmi beynəlxalq səhiyyə qaydaları kanalları vasitəsilə gəmidən təxliyə edilən sərnişinlərin və heyətin sağlamlığı və rifahı ilə bağlı həftəlik hesabatlar almağa davam edirlər. Qebreyesus bildirib ki, “Beynəlxalq koordinasiya ictimai sağlamlığın qorunması səylərini dəstəkləməyə davam edir”.
Şayəstə
