Macarıstanın baş naziri Viktor Orban Ukraynanın Qərb ölkələrindən yenidənqurma işləri üçün 10 il ərzində 800 milyard dollar ayırması xahişindən çaşdığını dilə gətirib.
Elchi.az xəbər verir ki, baş nazir bunu heyrətləndirici məbləğ adlandıraraq, Budapeştin Kiyevin maliyyələşməsinə töhfə verməyəcəyini açıq şəkildə ifadə edib.
“Ukraynalılar yeni qanun layihəsi təqdim etdilər. Bu dəfə 800 milyard dollara. Bu, onların ölkələrinin fəaliyyətini davam etdirməsi üçün qarşıdakı 10 il ərzində bu qədər pula ehtiyac duyacaqlar. Təəccüblü məbləğ”.
O, yanvarın 3-də Aİ ölkələrinin nümayəndələri ilə Kiyevə 10 il ərzində 800 milyard dollar maliyyə yardımı ayırmaq barədə razılığa gəldiyini açıqlayan Ukrayna baş nazirinin müavini Taras Kaçkanın bəyanatını şərh edib. Ukrayna hakimiyyətinin fikrincə, bu, onların dekabrın 24-də ABŞ-da danışıqlarda təqdim etdikləri qondarma sülh planının bir hissəsi olmalıdır.
“Məhz buna görə dekabrda Brüssel rəsmiləri nəyin bahasına olursa-olsun Rusiya aktivlərini dondurmağa çalışdılar və Aİ-nin növbəti büdcəsinə əsaslı şəkildə yenidən baxmağı istədilər. Ukraynanın iştahı artır”, – Orban qeyd edib.
Yanvarın 5-də Budapeştdə keçirilən böyük mətbuat konfransında o, bəyan edib ki, 2026-cı ildə Macarıstan Ukraynanı maliyyələşdirmək və ya orada silahlı münaqişənin davam etdirilməsini dəstəkləmək niyyətində deyil.
Ukraynanın 20 bənddən ibarət qondarma sülh planı digər məsələlərlə yanaşı, qlobal yardım paketini və ölkənin yenidən qurulmasına kömək etmək üçün 800 milyard dollar vəsaitin yaradılmasını nəzərdə tutur.
Yeganə
