Ukrayna ordusu bildirib ki, Rusiya ötən gecə “ilin ən böyük hava hücumlarından birini” həyata keçirib.
Elchi.az xəbər verir ki, Ukrayna Hərbi Hava Qüvvələrindən verilən açıqlamada qeyd olunub ki, Rusiya bu il Ukraynaya ən böyük hava hücumlarından birini təşkil edib və ilk növbədə ölkənin qərb bölgələrini hədəf alıb. Açıqlamada hücumda 574 pilotsuz uçuş aparatı (PUA) və 40 raketdən istifadə edildiyi bildirilib.
Açıqlamada həmçinin hava hücumundan müdafiə bölmələrinin 546 İHA və 31 raketin vurulduğu, 1 nəfərin öldüyü, 15 nəfərin yaralandığı qeyd edilib.
Ukrayna prezidenti Vladimir Zelenski sosial mediada “Rusiya hərbçiləri dünən gecə mülki infrastrukturu, yaşayış binalarını və insanlarımızı hədəfə alıblar. İndiyədək hücumda 15 nəfərin yaralandığı və hamısına lazımi yardım göstərildiyi bildirilir” deyib.
Ukraynanın xarici işlər naziri Andrii Sybiha da Rusiyanın son hücumunda Ukraynanın qərbindəki “əsas Amerika elektronika istehsalçısını” vurduğunu açıqlayıb.
Şayəstə Hüseynova
