Kremlin xarici siyasət üzrə müşaviri Yuri Uşakov Rusiya prezidenti Vladimir Putin və ABŞ prezidenti Donald Trampın telefon danışığı zamanı İranla bağlı vəziyyəti müzakirə etdiklərini açıqladı.
Elchi.az xəbər verir ki, Moskvada jurnalistlərə verdiyi açıqlamada Kremlin xarici siyasət üzrə müşaviri Yuri Uşakov bildirib ki, ABŞ tərəfinin xahişi ilə Prezident Vladimir Putin və ABŞ prezidenti Donald Tramp arasında telefon danışığı baş tutub.
Uşakov söhbətin təxminən bir saat davam etdiyini və konstruktiv olduğunu vurğulayaraq, iki liderin beynəlxalq məsələləri müzakirə etdiyini qeyd edib. Uşakov deyib: “Söhbət zamanı İranla bağlı vəziyyət və ABŞ nümayəndələrinin iştirakı ilə Ukrayna böhranı ilə bağlı üçtərəfli danışıqlar prosesi müzakirə olunub. Putin Fars körfəzi ölkələrinin liderləri, İran prezidenti Məsud Pazeşkyan və digər ölkə liderləri ilə təmaslarına əsaslanaraq İran məsələsinin siyasi və diplomatik həlli ilə bağlı bəzi fikirlərini bölüşüb. Tramp həmçinin ABŞ və İsrail əməliyyatı kontekstində inkişaf edən vəziyyətlə bağlı qiymətləndirmələr aparıb. Bu məsələ ilə bağlı çox əhatəli və faydalı fikir mübadiləsi aparılıb”.
Şayəstə
