Şimali Koreya lideri Kim Çen Inın bacısı Kim Yo-jong ABŞ və Cənubi Koreyanın birgə hərbi təlimini pisləyərək bunun “təsəvvür edilməyəcək qədər dəhşətli nəticələrə” səbəb olacağını xəbərdar etdi.
Elchi.az xəbər verir ki, Şimali Koreya lideri Kim Çen Inın bacısı Kim Yo-jong ABŞ və Cənubi Koreyanın birgə hərbi təlimini pisləyərək bunun “təsəvvür edilməyəcək qədər dəhşətli nəticələrə” səbəb olacağını xəbərdar etdi.
Şimali Koreya Mərkəzi Xəbər Agentliyinin (KCNA) məlumatına görə, Kim ABŞ və Cənubi Koreyanın “Azadlıq Qalxanı” təliminə reaksiya verdi.
Kim bildirib ki, “Düşmən qüvvələrin dövlətimizin suveren və təhlükəsizlik zonası yaxınlığında güc nümayişi ağlasığmaz dərəcədə dəhşətli nəticələrə səbəb ola bilər”.
Qlobal təhlükəsizlik strukturunun sürətlə çökdüyünü və dünyanın müxtəlif yerlərində müharibələrin başladığını qeyd edən Kim, təlimin regionu daha da qeyri-sabitləşdirəcəyini iddia etdi.
Təlim 9 martda başlamışdı
ABŞ və Cənubi Koreya müdafiə qabiliyyətlərini gücləndirmək məqsədi daşıyan illik birgə hərbi təlimlərinə 9 martda başlayıblar.
19 mart tarixinə qədər davam edəcək “Azadlıq Qalxanı” adlı təlimdə hər iki ölkədən ümumilikdə 18.000 əsgərin iştirakı gözlənilir. Keçən il 51 yerdə keçirilən təlimin sayı bu il 22 yerə endiriləcək.
Şayəstə
