ABŞ Prezidenti Donald Tramp TikTok-un Amerika bölməsinin Oracle və Silver Lake şirkətlərinin rəhbərlik etdiyi investorlar konsorsiumu tərəfindən alınması ilə bağlı razılaşmanı təsdiqləyib.
Elchi.az xəbər verir ki, bu barədə o, “Truth Social” sosial şəbəkəsindəki səhifəsində yazıb.
Trampın sözlərinə görə, TikTok prezident seçkilərində gənc seçicilər arasında “bu qədər yaxşı nəticə göstərməsinə” xeyli kömək edib. O, həmçinin ABŞ-ın vitse-prezidenti Cey Di Vensə və razılaşmanın Çinli sahiblərlə bağlanmasında iştirak edən administrasiya nümayəndələrinə təşəkkür edib.
ABŞ prezidenti, həmçinin, Çin Xalq Respublikasının sədri Si Cinpinə də minnətdarlığını bildirib. Trampın fikrincə, Si Cinpin “başqa cür də davrana bilərdi, lakin bunu etmədi və biz onun bu qərarını qiymətləndiririk”.
Vəzifəsinin icrasına başladıqdan sonra Tramp TikTok-la bağlı fərman imzalayıb və sosial şəbəkəyə qoyulacaq qadağanı 75 gün müddətinə təxirə salıb. Sənədə əsasən, platformanın səhmlərinin 50 faizi amerikalı investorlara satılacağı təqdirdə, TikTok ABŞ ərazisində fəaliyyətini davam etdirə biləcək.
Məryəm
