ABŞ prezidenti Donald Tramp bildirib ki, Amerikanın “Qızıl Günbəz” adlanan hava hücumundan müdafiə (HHM) sisteminin bir hissəsi Qrenlandiyada yerləşdiriləcək.
Elchi.az xəbər verir ki, bu barədə Tramp “Fox Business” telekanalına müsahibəsində bildirib.
“Qızıl Günbəz Qrenlandiyada olacaq. Onun bir hissəsi. Bu çox vacibdir, çünki hər şey Qrenlandiyanın üzərindən uçur. Əgər pis niyyətli tərəflər nəsə buraxsa, o, Qrenlandiyanın üzərindən keçəcək və biz onu orada vuracağıq”, — deyib.
Amerika lideri eyni zamanda ABŞ-ın Qrenlandiyaya tam və müddətsiz çıxış əldə etmək üçün danışıqlar apardığını vurğulayıb. Onun sözlərinə görə, Vaşinqton “heç bir xərc çəkmədən istədiyini əldə edəcək”.
“Heç bir məhdudiyyət yoxdur, heç bir vaxt məhdudiyyəti də yoxdur”, — deyə Tramp əlavə edib.
Məryəm
