Tramp ABŞ-ın qələbələrinin həddindən artıq çoxluğundan şikayətləndi.
Elchi.az xəbər verir ki, Amerika Birləşmiş Ştatları Prezidenti Donald Tramp ölkəsinin çoxlu qələbə qazanmasından şikayətləndi. Dövlət başçısı Truth Social hesabında müvafiq paylaşım etdi.
“Biz çox tez-tez qalib gəlirik, bu, sadəcə ədalətsizdir!” deyə o yazıb.
2025-ci ilin noyabr ayında Amerika lideri ABŞ Silahlı Qüvvələrini dünyanın ən güclü ordusu adlandırdı. O əlavə etdi ki, ABŞ nəinki dünyanın ən güclü ordusuna malikdir, həm də istənilən ölkənin ən yaxşı hərbi texnikasını istehsal edir.
Keçən il sentyabrın 5-də Tramp ABŞ Müdafiə Nazirliyinin adını Müharibə Nazirliyi olaraq dəyişdirən bir sərəncam imzaladı. İmza mərasimi zamanı Ağ Evin vəzifəli şəxsi ABŞ-ın həm dünya müharibələrində, həm də aralarındakı bütün münaqişələrdə qalib gəldiyini qeyd etdi.
Dövlət başçısı həmçinin “Müdafiə Nazirliyi” adının çox liberal olduğunu bildirdi. Amerika liderinin sözlərinə görə, “dünyadakı vəziyyət nəzərə alınmaqla” “Müharibə Nazirliyi” adı daha uyğundur.
Daha əvvəl Tramp ABŞ-ın hərbi əməliyyatlara cəlb olunacağı təqdirdə “əvvəllər heç kimin qazanmadığı kimi qalib gələcəyinə” əminliyini bildirmişdi.
Şayəstə
