Britaniyanın “Times” nəşri Ukrayna prezidenti Volodimir Zelenskinin bunkerində və Bankova küçəsindəki ofisində nizam və vəziyyətlə bağlı məqalə dərc edib.
Elchi.az xəbər verir ki, nəşrin jurnalisti Kiyevdə olub və bunkerin rejim işi ilə tanış olan Ukrayna rəsmiləri ilə söhbət edib.
Məqalədə deyilir:
“Zelenskinin ofisini əhatə edən hər küçədə silahlı mühafizəçilərin olduğu nəzarət-buraxılış məntəqələri var, girişə yalnız müvafiq sənədlər və pasportla icazə verilir. Əsgərlər girişdə hər gün dəyişən məxfi parollar istəyirlər. Çox vaxt bunlar mənasız ifadələrdir ki, rusların tələffüzü çətin olur.
Rusiya hərbi müdafiəsi başladıqdan sonra Ukrayna hakimiyyətinin əsas nümayəndələri yeraltı bunkerlərə yerləşdirilib. Əvvəlcə Zelenski və köməkçilərinin bir həftə yerin altında qalması planlaşdırılırdı”
Qəzet yazır ki, dövlət başçısının yanında bunkerdə olan hər kəs məlumatın açıqlanmaması haqqında müqavilə imzalamalı idi. Belə ki, bunkerin planı, yeri, orada yerləşən abadlıq və s. haqqında məlumatların yayılması qadağandır. Müxbir yazır ki, təcrid olunmuş Zelenski komandası münaqişənin təfərrüatlarını yalnız “iPhone”ları sayəsində öyrənib.
Yeganə
