Dağlıq Qarabağ savaşı zamanı İranın Ermənistanın yanında olması olduqca aydın məsələ olması ilə yanaşı, bəziləri tərəfindən hələ də müzakirə edilir. Bu barədə çoxlu faktlar təqdim olunub, hələ də İranla işğalçı Ermənistanın münasibətləri yüksək səviyyədədir və getdikcə də inkişaf edir.
Tehranın İran parlamentindəki millət vəkili Əli Mütəhhəri Qəzza ilə bağlı keçirilən sərgidə əhalinin arasında bulunub. Məlumata görə, sərgini izləməyə gələnlərdən biri Əli Mütəhhəriyə bir sual verib: “Nə üçün İran, şiə Azərbaycanın torpaqlarında saxta köçlər vasitəsi ilə öz mövcudluğunu (Qarabağ ermənilərinin müstəqillik iddiaları nəzərdə tutulur) elan edən Ermənistana İsrail kimi baxmır?!”.
Əli Mütəhhəri belə cavab verib:
“Mənim də Qarabağ məsələsində yəni Azərbaycanla Ermənistan savaşında, İranın mövqeyinə tənqidim var. Bu savaşda İran Ermənistanı dəstəklədi və Azərbaycan əhalisi bundan narahat oldu.”
Həmçinin Əli Mütəhhəri türkçülük və Azərbaycançılıq hərəkatı və İran rejiminin bundan qorxusunu özünə məxsus formada dilə gətirib: “Sovet (Şurəvi) Azərbaycanında bir pantürkizm düşüncəsi var və iki tərəfdə də bu cəhətdən nigaranlıq var, Bəlkə də əsas səbəb bu imiş!”.
Qeyd edək ki, İranın ermənilərə verdiyi dəstək və onları Azərbaycan Türklərindən üstün tutması, təkcə xarici siyasətdə özünü göstərmir. Ölkə daxilində də ermənilər Azərbaycanlılara qarşı tətbiq olunan qadağalardan azaddılar. Onlar öz ana dillərində təhsil alır, istədikləri zaman istədikləri tədbiri, o cümlədən türk dünyasına qarşı aksiyalarını sərbəst şəkildə həyata keçirirlər. Halbuki, bu azadlıqlar azərbaycanlılar üçün mövcud deyil!